CHSS Advice Line
No one should have to recover alone. We’re here to support you with our services, resources and health information.
Resources Hub
Download and order a range of resources to help you manage your condition.
Scotland’s Stories
Read the inspiring stories of the amazing people who are living life to the full with a long-term health condition.
Get free, confidential advice and support from our Advice Line practitioners. No question is too big or too small.
Advice Line
Every day people in Scotland are leaving hospital feeling scared and alone. But you can help us change this.
Fundraising Events
Join Scotland’s Fundraising Heroes by getting involved with one of our exciting events or challenges!
Visit our charity shops
Use our Store Finder to find your local shop or boutique and pop in to see us today.
You can make sure stroke survivors in Scotland like Tim get the support they need after returning home from hospital.
Donate
We are Scotland’s largest health charity working to help people with chest, heart and stroke conditions live life to the full.
Social Media – @chsscotland
Incredible impact
Find out about the incredible impact your support is having and the amazing things you’re helping to achieve.
Search our current job opportunities to find a new role that’s rewarding, exciting and allows you to make a real difference every day.
Work With Us
ਸਟ੍ਰੋਕ ਉਦੋਂ ਹੁੰਦਾ ਹੈ ਜਦੋਂ ਦਿਮਾਗ ਦੇ ਕਿਸੇ ਹਿੱਸੇ ਨੂੰ ਖੂਨ ਦੀ ਸਪਲਾਈ ਵਿੱਚ ਰੁਕਾਵਟ ਆਉਂਦੀ ਹੈ। ਨਤੀਜੇ ਵਜੋਂ, ਦਿਮਾਗ ਦੇ ਸੈੱਲਾਂ ਨੂੰ ਆਕਸੀਜਨ ਘੱਟ ਮਿਲਦੀ ਹੈ ਅਤੇ ਲੋੜੀਂਦੇ ਪੌਸ਼ਕ ਤੱਤ ਘੱਟ ਮਿਲਦੇ ਹਨ। ਇਸ ਨਾਲ ਤੁਹਾਡੇ ਦਿਮਾਗ ਦੇ ਕੁਝ ਸੈੱਲਾਂ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ ਜਾਂ ਇਹ ਨਸ਼ਟ ਵੀ ਹੋ ਸਕਦੇ ਹਨ, ਜਿਸ ਕਰਕੇ ਇਸ ਗੱਲ ‘ਤੇ ਨਿਰਭਰ ਕਰਦੇ ਹੋਏ ਵੱਖ-ਵੱਖ ਪ੍ਰਭਾਵ ਹੁੰਦੇ ਹਨ ਕਿ ਇਹ ਤੁਹਾਡੇ ਦਿਮਾਗ ਵਿੱਚ ਕਿੱਥੇ ਹੋਇਆ ਹੈ। ਸਟ੍ਰੋਕ ਦੋ ਤਰ੍ਹਾਂ ਦਾ ਹੁੰਦਾ ਹੈ:
ਸਟ੍ਰੋਕ ਅਕਸਰ ਬੁਢਾਪੇ ਨਾਲ ਜੁੜਿਆ ਹੁੰਦਾ ਹੈ, ਪਰ ਬਹੁਤ ਸਾਰੇ ਨੌਜਵਾਨ ਵੀ ਸਟ੍ਰੋਕ ਤੋਂ ਪ੍ਰਭਾਵਤ ਹੁੰਦੇ ਹਨ। ਦਰਅਸਲ, ਸਟ੍ਰੋਕ ਪੀੜਤ ਨੌਜਵਾਨਾਂ ਦੀ ਗਿਣਤੀ ਵੱਧ ਰਹੀ ਹੈ। ਸਟ੍ਰੋਕ ਹੋਣ ਵਾਲੇ 4 ਵਿਅਕਤੀਆਂ ਵਿੱਚੋਂ ਤਕਰੀਬਨ 1 ਵਿਅਕਤੀ, ਹੁਣ 65 ਸਾਲ ਤੋਂ ਘੱਟ ਉਮਰ ਦਾ ਹੁੰਦਾ ਹੈ।
ਟ੍ਰਾਂਜ਼ੀਐਂਟ ਇਸਕੀਮਿਕ ਅਟੈਕ (ਜਿਸ ਨੂੰ TIA ਜਾਂ ਮਿੰਨੀ-ਸਟ੍ਰੋਕ ਵੀ ਕਿਹਾ ਜਾਂਦਾ ਹੈ) ਸਟ੍ਰੋਕ ਵਾਂਗ ਹੀ ਹੁੰਦਾ ਹੈ, ਪਰ ਖੂਨ ਦੀ ਸਪਲਾਈ ਵਿੱਚ ਸਿਰਫ਼ ਥੋੜ੍ਹੇ ਸਮੇਂ ਲਈ ਹੀ ਰੁਕਾਵਟ ਆਉਂਦੀ ਹੈ, ਅਤੇ ਆਮ ਤੌਰ ‘ਤੇ ਪੂਰੀ ਤਰ੍ਹਾਂ ਰੁਕਾਵਟ ਨਹੀਂ ਆਉਂਦੀ। ਲੱਛਣ ਆਮ ਤੌਰ ‘ਤੇ 24 ਘੰਟਿਆਂ ਤੋਂ ਘੱਟ ਸਮੇਂ ਵਿੱਚ ਖਤਮ ਹੋ ਜਾਂਦੇ ਹਨ।
ਹਾਲਾਂਕਿ ਇਸਦੇ ਲੱਛਣ ਲੰਬੇ ਸਮੇਂ ਤਕ ਨਹੀਂ ਰਹਿੰਦੇ, ਪਰ TIA ਨੂੰ ਗੰਭੀਰਤਾ ਨਾਲ ਲਿਆ ਜਾਣਾ ਚਾਹੀਦਾ ਹੈ। ਇਹ ਤੁਹਾਡੇ ਦਿਮਾਗ ਵਿੱਚ ਖੂਨ ਦੇ ਗੇੜ ਵਿੱਚ ਵਧੇਰੇ ਗੰਭੀਰ ਸਮੱਸਿਆ ਦੀ ਨਿਸ਼ਾਨੀ ਹੈ। ਇਹ ਮਹੱਤਵਪੂਰਨ ਹੈ ਕਿ TIA ਦੇ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਨਾ ਕੀਤਾ ਜਾਵੇ, ਭਾਵੇਂ ਇਹ ਹਲਕੇ ਕਿਉਂ ਨਾ ਹੋਣ ਅਤੇ ਛੇਤੀ ਠੀਕ ਹੋ ਜਾਣ – ਤੁਹਾਨੂੰ ਨੇੜਲੇ ਭਵਿੱਖ ਵਿੱਚ ਵਧੇਰੇ ਗੰਭੀਰ ਸਟ੍ਰੋਕ ਹੋਣ ਦਾ ਖਤਰਾ ਹੋ ਸਕਦਾ ਹੈ। TIA ਹੋਣ ਦੇ ਇੱਕ ਹਫ਼ਤੇ ਦੇ ਅੰਦਰ 12 ਵਿੱਚੋਂ 1 ਤੋਂ ਵੱਧ ਵਿਅਕਤੀ ਨੂੰ ਪੂਰਾ ਸਟ੍ਰੋਕ ਹੋਵੇਗਾ।
TIAs ਬਾਰੇ ਹੋਰ ਜਾਣਨ ਲਈ, ਜਿਸ ਵਿੱਚ ਇਹ ਵੀ ਸ਼ਾਮਲ ਹੈ ਕਿ ਇਹਨਾਂ ਦੀ ਪਛਾਣ (ਡਾਇਗਨੋਸਿਸ) ਅਤੇ ਇਲਾਜ ਕਿਵੇਂ ਕੀਤਾ ਜਾਂਦਾ ਹੈ, ਅਤੇ ਤੁਸੀਂ ਇੱਕ ਹੋਰ TIA ਜਾਂ ਸਟ੍ਰੋਕ ਹੋਣ ਦੇ ਆਪਣੇ ਜੋਖਮ ਨੂੰ ਘਟਾਉਣ ਲਈ ਕੀ ਕਰ ਸਕਦੇ ਹੋ, ਸਾਡੀ TIA ਲਈ ਜ਼ਰੂਰੀ ਗਾਈਡ ਦੇਖੋ: ਟ੍ਰਾਂਜ਼ੀਐਂਟ ਇਸਕੀਮਿਕ ਅਟੈਕ (PDF)।ਪੂਰੀ ਕਹਾਣੀ ਪੜ੍ਹੋ
ਜੇ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਨੂੰ ਜਾਂ ਕਿਸੇ ਹੋਰ ਨੂੰ ਸਟ੍ਰੋਕ ਜਾਂ TIA ਹੋ ਰਿਹਾ ਹੈ, ਤਾਂ ਤੁਰੰਤ 999 ‘ਤੇ ਫ਼ੋਨ ਕਰੋ ਅਤੇ ਐਂਬੂਲੈਂਸ ਦੀ ਮੰਗ ਕਰੋ।
ਸਟ੍ਰੋਕ ਅਤੇ TIAs ਦੇ ਸੰਕੇਤਾਂ ਅਤੇ ਲੱਛਣਾਂ ਵਿੱਚ ਇਹ ਸ਼ਾਮਲ ਹੁੰਦੇ ਹਨ:
ਸਟ੍ਰੋਕ ਇੱਕ ਮੈਡੀਕਲ ਐਮਰਜੈਂਸੀ ਹੈ। ਤੁਰੰਤ ਇਲਾਜ ਜ਼ਰੂਰੀ ਹੁੰਦਾ ਹੈ ਕਿਉਂਕਿ ਜਿੰਨੀ ਜਲਦੀ ਕੋਈ ਵਿਅਕਤੀ ਸਟ੍ਰੋਕ ਦਾ ਇਲਾਜ ਕਰਵਾ ਲੈਂਦਾ ਹੈ, ਨਤੀਜਾ ਓਨਾ ਹੀ ਵਧੀਆ ਰਹਿਣ ਦੀ ਸੰਭਾਵਨਾ ਹੁੰਦੀ ਹੈ।
ਸ਼ੁਰੂਆਤੀ ਪੜਾਵਾਂ ਵਿੱਚ ਇਹ ਦੱਸਣਾ ਸੰਭਵ ਨਹੀਂ ਹੁੰਦਾ ਕਿ ਕੀ ਤੁਹਾਨੂੰ ਸਟ੍ਰੋਕ ਹੋ ਰਿਹਾ ਹੈ ਜਾਂ TIA ਕਿਉਂਕਿ ਦੋਵਾਂ ਦੇ ਲੱਛਣ ਇੱਕੋ ਜਿਹੇ ਹੀ ਹੁੰਦੇ ਹਨ।
ਜੇ ਤੁਹਾਨੂੰ ਭਾਵੇਂ ਥੋੜ੍ਹੇ ਸਮੇਂ ਲਈ ਹੀ ਸਹੀ, ਪਰ ਇਹਨਾਂ ਵਿੱਚੋਂ ਕੋਈ ਵੀ ਲੱਛਣ ਹਨ, ਤਾਂ 999 ‘ਤੇ ਕਾਲ ਕਰੋ ਅਤੇ ਐਂਬੂਲੈਂਸ ਦੀ ਮੰਗ ਕਰੋ।
ਜਦੋਂ ਤੁਹਾਨੂੰ ਸਟ੍ਰੋਕ ਹੋਇਆ ਹੋਵੇ, ਤਾਂ ਤੁਹਾਨੂੰ ਐਮਰਜੈਂਸੀ ਐਂਬੂਲੈਂਸ ਰਾਹੀਂ ਸਿੱਧਾ ਹਸਪਤਾਲ ਜਾਣਾ ਚਾਹੀਦਾ ਹੈ। ਤੁਹਾਨੂੰ ਆਮ ਤੌਰ ‘ਤੇ ਸਪੈਸ਼ਲਿਸਟ ਸਟ੍ਰੋਕ ਵਾਰਡ ਵਿੱਚ ਲਿਜਾਇਆ ਜਾਵੇਗਾ, ਪਰ ਹੋ ਸਕਦਾ ਹੈ ਕਿ ਤੁਹਾਨੂੰ ਪਹਿਲਾਂ A&E ਵਿਭਾਗ ਜਾਂ ਕਿਸੇ ਹੋਰ ਮੁਲਾਂਕਣ ਵਾਰਡ ਵਿੱਚ ਜਾਣ ਦੀ ਲੋੜ ਪਵੇ।
ਡਾਕਟਰ ਸ਼ੁਰੂ ਵਿੱਚ ਇਸ ਗੱਲ ਦੀ ਪੁਸ਼ਟੀ ਲਈ ਟੈਸਟ ਕਰਵਾਉਣਗੇ ਕਿ ਤੁਹਾਨੂੰ ਕਿਸ ਕਿਸਮ ਦਾ ਸਟ੍ਰੋਕ ਹੋਇਆ ਹੈ। ਇਸ ਵਿੱਚ ਆਮ ਤੌਰ ‘ਤੇ ਜਾਂ ਤਾਂ CT ਸਕੈਨ ਜਾਂ ਫਿਰ MRI ਸਕੈਨ ਸ਼ਾਮਲ ਹੋਵੇਗਾ, ਜੋ ਇਹ ਨਿਰਧਾਰਤ ਕਰਨ ਵਿੱਚ ਮਦਦ ਕਰੇਗਾ ਕਿ ਕੀ ਤੁਹਾਡਾ ਸਟ੍ਰੋਕ ਖੂਨ ਦੇ ਕਿਸੇ ਗਤਲੇ ਕਰਕੇ ਹੋਇਆ ਸੀ ਜਾਂ ਖੂਨ ਦੇ ਰਿਸਾਅ ਕਰਕੇ।
ਤੁਹਾਡੇ ਸ਼ਾਇਦ ਹੋਰ ਟੈਸਟ ਵੀ ਕੀਤੇ ਜਾ ਸਕਦੇ ਹਨ, ਜਿਹਨਾਂ ਵਿੱਚ ਬਲੱਡ ਪ੍ਰੈਸ਼ਰ ਦੀ ਜਾਂਚ, ਖੂਨ ਦੇ ਟੈਸਟ, ਛਾਤੀ ਦੇ ਐਕਸ-ਰੇ ਅਤੇ ਇਲੈਕਟ੍ਰੋਕਾਰਡੀਓਗ੍ਰਾਮ (ECG) ਸ਼ਾਮਲ ਹਨ।
ਤੁਹਾਡੇ ਸਟ੍ਰੋਕ ਤੋਂ ਬਾਅਦ ਪਹਿਲੇ 48 ਘੰਟਿਆਂ ਵਿੱਚ, ਇਹ ਪਤਾ ਲਗਾਉਣ ਲਈ ਇੱਕ ਸ਼ੁਰੂਆਤੀ ਮੁਲਾਂਕਣ ਕੀਤਾ ਜਾਵੇਗਾ ਕਿ ਸਟ੍ਰੋਕ ਨੇ ਤੁਹਾਨੂੰ ਕਿਵੇਂ ਪ੍ਰਭਾਵਤ ਕੀਤਾ ਹੈ। ਇਸ ਵਿੱਚ ਇਹ ਸ਼ਾਮਲ ਹੋ ਸਕਦੇ ਹਨ:
ਤੁਹਾਡਾ ਸ਼ੁਰੂਆਤੀ ਇਲਾਜ ਇਸ ਗੱਲ ‘ਤੇ ਨਿਰਭਰ ਕਰੇਗਾ ਕਿ ਤੁਹਾਨੂੰ ਕਿਸ ਕਿਸਮ ਦਾ ਸਟ੍ਰੋਕ ਹੋਇਆ ਸੀ। ਜੇ ਤੁਹਾਡਾ ਸਟ੍ਰੋਕ ਖੂਨ ਦੇ ਰਿਸਾਅ ਕਾਰਨ ਹੋਇਆ ਸੀ (ਹੈਮੋਰੇਜਿਕ ਸਟ੍ਰੋਕ) ਤਾਂ ਹੋ ਸਕਦਾ ਹੈ ਕਿ ਤੁਹਾਡੀਆਂ ਖਰਾਬ ਹੋਈਆਂ ਖੂਨ ਦੀਆਂ ਨਾੜੀਆਂ ਦੀ ਮੁਰੰਮਤ ਲਈ ਸਰਜੀਕਲ ਇਲਾਜ ਬਾਰੇ ਵਿਚਾਰ ਕੀਤਾ ਜਾਵੇ।
ਜੇ ਤੁਹਾਡਾ ਸਟ੍ਰੋਕ ਖੂਨ ਦੇ ਥੱਕੇ (ਇਸਕੀਮਿਕ ਸਟ੍ਰੋਕ) ਕਰਕੇ ਹੋਇਆ ਸੀ, ਤਾਂ ਤੁਹਾਨੂੰ ਸ਼ਾਇਦ ਥ੍ਰੌਂਬੋਲੋਸਿਸ ਨਾਮ ਦੇ ਖੂਨ ਦੇ ਥੱਕਿਆਂ ਨੂੰ ਤੋੜਨ ਵਾਲੇ ਇਲਾਜ ਜਾਂ ਥੱਕੇ ਨੂੰ ਬਾਹਰ ਕੱਢਣ ਲਈ ਥ੍ਰੌਮਬੈਕਟੋਮੀ ਨਾਮ ਦੀ ਇੱਕ ਮਾਹਰ ਪ੍ਰਕਿਰਿਆ ਦੀ ਪੇਸ਼ਕਸ਼ ਕੀਤੀ ਜਾਵੇ। ਇਲਾਜ ਦੇ ਹੋਰ ਵਿਕਲਪਾਂ ਵਿੱਚ ਸ਼ਾਮਲ ਹਨ ਖੂਨ ਨੂੰ ਪਤਲਾ ਕਰਨ ਵਾਲਾ ਇਲਾਜ, ਕੋਲੈਸਟ੍ਰੋਲ-ਘੱਟ ਕਰਨ ਵਾਲੀਆਂ ਦਵਾਈਆਂ ਜਿਹਨਾਂ ਨੂੰ ਸਟੈਟਿਨਜ਼ ਕਿਹਾ ਜਾਂਦਾ ਹੈ, ਕੈਰੋਟਿਡ ਐਂਡਾਰਟ੍ਰੈਕਟੋਮੀ (ਤੁਹਾਡੀ ਗਰਦਨ ਦੀਆਂ ਤੰਗ ਹੋਈਆਂ ਧਮਣੀਆਂ ਦੀ ਰੁਕਾਵਟ ਖਤਮ ਕਰਨ ਲਈ ਆਪ੍ਰੇਸ਼ਨ) ਜਾਂ ਤੁਹਾਡੇ ਦਿਮਾਗ ਉੱਪਰ ਦਬਾਅ ਨੂੰ ਹਟਾਉਣ ਲਈ ਡੀਕੰਪ੍ਰੈਸਿਵ ਸਰਜਰੀ।
ਐਂਡੀ ਦੀ ਪਤਨੀ ਨੇ ਫ਼ੁਰਤੀ ਤੋਂ ਕੰਮ ਲਿਆ
ਜਦੋਂ ਐਂਡੀ ਨੂੰ ਸਟ੍ਰੋਕ ਹੋਇਆ, ਤਾਂ ਉਸਨੂੰ ਤੁਰੰਤ ਪਤਾ ਲੱਗ ਗਿਆ ਕਿ ਕੋਈ ਗੜਬੜ ਸੀ। “ਇਹ ਕੁਝ ਇਸ ਤਰ੍ਹਾਂ ਸੀ ਜਿਵੇਂ ਕਿਸੇ ਨੇ ਮੇਰੇ ਸਿਰ ਦੇ ਪਿਛਲੇ ਪਾਸੇ ਬਲੋਟਾਰਚ ਜਲਾਈ ਹੋਵੇ ਅਤੇ ਦੁਨੀਆ ਦੀ ਹਰ ਸੂਈ ਨੂੰ ਮੇਰੀ ਖੋਪੜੀ ਦੇ ਅੰਦਰ ਚੁਭੋ ਦਿੱਤਾ ਹੋਵੇ,” ਉਹ ਦੱਸਦਾ ਹੈ।
ਖੁਸ਼ਕਿਸਮਤੀ ਨਾਲ, ਉਸਦੀ ਪਤਨੀ ਨਿਕ ਨੇ FAST ਬਾਰੇ ਇਸ਼ਤਿਹਾਰ ਦੇਖੇ ਸਨ ਅਤੇ ਸਟ੍ਰੋਕ ਦੇ ਲੱਛਣਾਂ ਨੂੰ ਪਛਾਣ ਲਿਆ ਸੀ। ਉਸਨੇ ਤੁਰੰਤ ਮਦਦ ਬੁਲਾਈ, ਅਤੇ ਐਂਡੀ ਨੇ ਰਿਕਵਰੀ ਵੱਲ ਆਪਣਾ ਲੰਬਾ ਸਫ਼ਰ ਸ਼ੁਰੂ ਕਰ ਦਿੱਤਾ।
ਹੁਣ, ਐਂਡੀ ਦੂਜੇ ਸਰਵਾਈਵਰਾਂ ਦੀ ਮਦਦ ਕਰਨ ਲਈ ਆਪਣੀ ਕਹਾਣੀ ਸਾਂਝੀ ਕਰਨਾ ਚਾਹੁੰਦਾ ਹੈ।
“ਮੈਂ ਜਾਣਦਾ ਹਾਂ ਕਿ ਇਹ ਕਿੰਨਾ ਗੁੱਸੇ ਭਰਿਆ, ਨਿਰਾਸ਼ਾਜਨਕ ਅਤੇ ਦਰਦਨਾਕ ਹੋ ਸਕਦਾ ਹੈ। ਸਟ੍ਰੋਕ ਤੋਂ ਰਿਕਵਰ ਕਰਨਾ ਸਭ ਤੋਂ ਔਖਾ ਕੰਮ ਹੈ ਜੋ ਮੈਂ ਆਪਣੀ ਜ਼ਿੰਦਗੀ ਵਿੱਚ ਕੀਤਾ ਹੈ ਪਰ ਇਸ ਬਾਰੇ ਸੋਚੋ ਕਿ ਇਸਦਾ ਵਿਕਲਪ ਕੀ ਹੋਵੇਗਾ।
ਸਟ੍ਰੋਕ ਦੇ ਬਾਅਦ ਰਿਕਵਰੀ ਅਤੇ ਸਿਹਤ ਦੀ ਬਹਾਲੀ
ਸਟ੍ਰੋਕ ਤੋਂ ਬਾਅਦ ਹਰ ਵਿਅਕਤੀ ਦੀ ਰਿਕਵਰੀ ਵੱਖਰੀ ਹੁੰਦੀ ਹੈ। ਹੋ ਸਕਦਾ ਹੈ ਕਿ ਤੁਸੀਂ ਹਫ਼ਤਿਆਂ ਦੇ ਅੰਦਰ ਪੂਰੀ ਤਰ੍ਹਾਂ ਠੀਕ ਹੋ ਜਾਓ, ਜਾਂ ਇਸ ਵਿੱਚ ਤੁਹਾਨੂੰ ਵਧੇਰੇ ਲੰਬਾ ਸਮਾਂ ਲੱਗੇ। ਕੁਝ ਲੋਕ, ਖਾਸ ਤੌਰ ‘ਤੇ ਜਦੋਂ ਉਹਨਾਂ ਦਾ ਸਟ੍ਰੋਕ ਬਹੁਤ ਗੰਭੀਰ ਸੀ, ਕਦੇ ਵੀ ਪੂਰੀ ਤਰ੍ਹਾਂ ਠੀਕ ਨਹੀਂ ਹੁੰਦੇ ਅਤੇ ਉਹਨਾਂ ਵਿੱਚ ਲੰਬੇ ਸਮੇਂ ਲਈ ਅਪਾਹਜਤਾਵਾਂ ਰਹਿ ਜਾਂਦੀਆਂ ਹਨ।
ਪਹਿਲੇ ਕੁਝ ਦਿਨਾਂ ਅਤੇ ਹਫ਼ਤਿਆਂ ਵਿੱਚ, ਤੁਸੀਂ ਸ਼ਾਇਦ ਬਹੁਤ ਥੱਕੇ ਹੋਏ ਅਤੇ ਭਾਵੁਕ ਮਹਿਸੂਸ ਕਰੋ। ਇਹ ਅਕਸਰ ਕਿਸੇ ਦੁਖਦਾਈ ਘਟਨਾ ਦੀ ਇੱਕ ਆਮ ਪ੍ਰਤਿਕਿਰਿਆ ਹੁੰਦੀ ਹੈ। ਸਹਿਜੇ-ਸਹਿਜੇ ਆਪਣੀ ਰਫ਼ਤਾਰ ਵਧਾਓ ਅਤੇ ਖੁਦ ਨੂੰ ਅਰਾਮ ਕਰਨ ਲਈ ਬਥੇਰਾ ਸਮਾਂ ਦਿਓ, ਇਸ ਦੇ ਨਾਲ ਹੀ ਤੁਹਾਡੇ ਹੈਲਥਕੇਅਰ ਪੇਸ਼ੇਵਰਾਂ ਦੁਆਰਾ ਸਿਫ਼ਾਰਸ਼ ਕੀਤੀਆਂ ਗਈਆਂ ਵੱਖ-ਵੱਖ ਗਤੀਵਿਧੀਆਂ ਅਤੇ ਥੈਰੇਪੀਆਂ ਅਜ਼ਮਾਉਣ ਲਈ ਵੀ ਸਮਾਂ ਕੱਢੋ।
ਇੱਥੋਂ ਤਕ ਕਿ ਸ਼ੁਰੂ ਦੇ ਦਿਨਾਂ ਵਿੱਚ ਵੀ, ਜਿੰਨਾ ਹੋ ਸਕੇ ਹਿਲਜੁਲ ਕਰਨੀ ਬਹੁਤ ਜ਼ਰੂਰੀ ਹੈ, ਭਾਵੇਂ ਤੁਸੀਂ ਬਿਸਤਰੇ ਤੋਂ ਨਾ ਵੀ ਉੱਠ ਸਕਦੇ ਹੋਵੋ। ਇਸ ਨਾਲ:
ਆਪਣੀ ਸਟ੍ਰੋਕ ਟੀਮ ਦੀ ਮਦਦ ਅਤੇ ਸਹਿਯੋਗ ਨਾਲ, ਤੁਹਾਨੂੰ ਆਪਣੇ ਸਟ੍ਰੋਕ ਤੋਂ ਬਾਅਦ ਦੇ ਹਫ਼ਤਿਆਂ ਵਿੱਚ ਸੁਧਾਰ ਦਿਖਾਈ ਦੇਣਾ ਸ਼ੁਰੂ ਹੋ ਜਾਣਾ ਚਾਹੀਦਾ ਹੈ। ਯਾਦ ਰੱਖੋ ਕਿ ਰਿਕਵਰੀ ਇੱਕ ਲੰਬੀ ਪ੍ਰਕਿਰਿਆ ਹੋ ਸਕਦੀ ਹੈ, ਅਤੇ ਹਰ ਕਿਸੇ ਦੀ ਰਿਕਵਰੀ ਵੱਖਰੀ ਹੁੰਦੀ ਹੈ – ਜੇ ਕਿਸੇ ਖਾਸ ਸੁਧਾਰ ਦੇ ਨਜ਼ਰ ਆਉਣ ਵਿੱਚ ਮਹੀਨੇ ਜਾਂ ਸਾਲ ਵੀ ਲੱਗ ਜਾਂਦੇ ਹਨ ਤਾਂ ਨਿਰਾਸ਼ ਨਾ ਹੋਵੋ।
ਨਿਯਮਿਤ ਤੌਰ ‘ਤੇ ਫ਼ਿਜ਼ੀਓਥੈਰੇਪੀ, ਆਕਿਊਪੇਸ਼ਨਲ ਥੈਰੇਪੀ ਅਤੇ ਬੋਲਚਾਲ ਸਬੰਧੀ ਕਸਰਤਾਂ ਤੁਹਾਨੂੰ ਉਤਸ਼ਾਹਤ ਰੱਖਣ ਵਿੱਚ ਮਦਦ ਕਰ ਸਕਦੀਆਂ ਹਨ। ਤੁਹਾਡੀ ਸਟ੍ਰੋਕ ਟੀਮ ਅਜਿਹੀਆਂ ਕਸਰਤਾਂ, ਥੈਰੇਪੀਆਂ ਅਤੇ ਗਤੀਵਿਧੀਆਂ ਲੱਭਣ ਵਿੱਚ ਮਦਦ ਕਰੇਗੀ ਜੋ ਤੁਹਾਡੇ ਲਈ ਕੰਮ ਕਰਦੀਆਂ ਹੋਣ।
ਵਧੇਰੇ ਲੰਬੇ ਸਮੇਂ ਲਈ ਸਿਹਤ ਦੀ ਬਹਾਲੀ ਨਾਲ ਤੁਹਾਨੂੰ ਆਪਣੀ ਸਥਿਤੀ ਨਾਲ ਨਿਪਟਣ ਅਤੇ ਉਸ ਦੇ ਅਨੁਸਾਰ ਢਾਲਣ ਵਿੱਚ ਮਦਦ ਮਿਲ ਸਕਦੀ ਹੈ। ਸਿਹਤ ਬਹਾਲੀ (Rehabilitation) ਦੇ ਮਾਹਰ, ਹੁਨਰਾਂ ਨੂੰ ਮੁੜ ਸਿੱਖਣ ਜਾਂ ਉਹਨਾਂ ਅਨੁਸਾਰ ਢਾਲਣ ਵਿੱਚ ਤੁਹਾਡੀ ਮਦਦ ਕਰ ਸਕਦੇ ਹਨ, ਤਾਂ ਜੋ ਤੁਸੀਂ ਆਪਣੇ ਸਟ੍ਰੋਕ ਤੋਂ ਬਾਅਦ ਜਿੰਨਾ ਹੋ ਸਕੇ ਆਤਮ-ਨਿਰਭਰ ਬਣ ਸਕੋ। ਇਹ ਹਸਪਤਾਲ ਵਿੱਚ, ਕਿਸੇ ਆਊਟ-ਪੇਸ਼ੈਂਟ (ਬਾਹਰੀ ਰੋਗੀ) ਕਲੀਨਿਕ ਵਿੱਚ ਜਾਂ ਕਮਿਊਨਿਟੀ ਥੈਰੇਪਿਸਟਾਂ ਦੇ ਸਹਿਯੋਗ ਨਾਲ ਘਰ ਵਿੱਚ ਕੀਤਾ ਜਾ ਸਕਦਾ ਹੈ।
ਚੈਸਟ ਹਾਰਟ ਐਂਡ ਸਟ੍ਰੋਕ ਸਕਾਟਲੈਂਡ ਵਿਖੇ, ਜਦੋਂ ਤੁਸੀਂ ਹਸਪਤਾਲ ਤੋਂ ਘਰ ਪਹੁੰਚਦੇ ਹੋ ਤਾਂ ਠੀਕ ਹੋਣ ਵਿੱਚ ਤੁਹਾਡੀ ਮਦਦ ਲਈ ਅਸੀਂ ਸਕਾਟਲੈਂਡ ਭਰ ਵਿੱਚ ਕਈ ਤਰ੍ਹਾਂ ਦੀਆਂ ਸਟ੍ਰੋਕ ਰੀਹੈਬਿਲਿਟੇਸ਼ਨ ਸੇਵਾਵਾਂ ਪੇਸ਼ ਕਰਦੇ ਹਾਂ। ਅਸੀਂ ਸੰਵਾਦ ਦੀਆਂ ਮੁਸ਼ਕਲਾਂ ਤੋਂ ਲੈ ਕੇ ਸਰੀਰਕ ਹਿਲਜੁਲ, ਨਜ਼ਰ, ਯਾਦਦਾਸ਼ਤ ਜਾਂ ਸੋਚਣ ਸਬੰਧੀ ਸਮੱਸਿਆਵਾਂ ਤਕ ਹਰ ਚੀਜ਼ ਵਿੱਚ ਮਦਦ ਕਰ ਸਕਦੇ ਹਾਂ।
ਤੁਹਾਡੇ ਸਥਾਨਕ ਇਲਾਕੇ ਵਿੱਚ ਉਪਲਬਧ ਸਟ੍ਰੋਕ ਸੇਵਾਵਾਂ ਬਾਰੇ ਹੋਰ ਜਾਣਨ ਲਈ, ਸਾਡੀਆਂ ਐਡਵਾਈਸ ਲਾਈਨ ਨਰਸਾਂ ਨੂੰ ਫ੍ਰੀਫੋਨ 0808 801 0899 ‘ਤੇ ਕਾਲ ਕਰੋ।
ਸਟ੍ਰੋਕ ਤੋਂ ਬਾਅਦ ਘਰ ਵਾਪਸੀ
ਜਦੋਂ ਤੁਸੀਂ ਹਸਪਤਾਲ ਤੋਂ ਆਉਂਦੇ ਹੋ, ਤਾਂ ਤੁਹਾਡੇ ਕੋਲ ਆਪਣੀ ਸਟ੍ਰੋਕ ਟੀਮ ਦੁਆਰਾ ਦਿੱਤਾ ਇੱਕ ਡਿਸਚਾਰਜ ਪਲਾਨ ਹੋਣਾ ਚਾਹੀਦਾ ਹੈ। ਇਸ ਵਿੱਚ ਉਹ ਵਿਹਾਰਕ ਮਦਦ ਅਤੇ ਸਹਿਯੋਗ ਸ਼ਾਮਲ ਹੁੰਦਾ ਹੈ ਜਿਸਦੀ ਤੁਹਾਨੂੰ ਘਰ ਵਿੱਚ ਲੋੜ ਹੋ ਸਕਦੀ ਹੈ।
ਹਸਪਤਾਲ ਤੋਂ ਘਰ ਵਾਪਸ ਆਉਣਾ, ਤੁਹਾਡੇ ਅਤੇ ਤੁਹਾਡੇ ਪਰਿਵਾਰ ਲਈ ਚੁਣੌਤੀ ਭਰਿਆ ਹੋ ਸਕਦਾ ਹੈ, ਪਰ ਅਸੀਂ ਤੁਹਾਨੂੰ ਸਹਿਯੋਗ ਦੇਣ ਲਈ ਇੱਥੇ ਮੌਜੂਦ ਹਾਂ। ਸਾਡੀ ਐਡਵਾਈਸ ਲਾਈਨ ਨਰਸਾਂ ਨੂੰ 0808 801 0899 ‘ਤੇ ਇਸ ਬਾਰੇ ਹੋਰ ਜਾਣਨ ਲਈ ਕਾਲ ਕਰੋ ਕਿ ਅਸੀਂ ਤੁਹਾਡੀ ਮਦਦ ਕਿਵੇਂ ਕਰ ਸਕਦੇ ਹਾਂ, ਜਿਸ ਵਿੱਚ ਸ਼ਾਮਲ ਹਨ:
ਯਾਦ ਰੱਖੋ, ਤੁਸੀਂ ਆਪਣੀ ਸਿਹਤ ਬਾਰੇ ਸਲਾਹ ਲਈ ਜਾਂ ਹੋਰ ਹੈਲਥਕੇਅਰ ਸੇਵਾਵਾਂ ਲਈ ਰੈਫ਼ਰਲ ਲੈਣ ਵਾਸਤੇ ਆਪਣੇ ਜੀਪੀ ਨਾਲ ਵੀ ਸੰਪਰਕ ਕਰ ਸਕਦੇ ਹੋ, ਅਤੇ ਤੁਹਾਡਾ ਫ਼ਾਰਮਾਸਿਸਟ ਤੁਹਾਡੇ ਦੁਆਰਾ ਲਈ ਜਾਣ ਵਾਲੀ ਕਿਸੇ ਵੀ ਦਵਾਈ ਬਾਰੇ ਸਲਾਹ ਅਤੇ ਜਾਣਕਾਰੀ ਦੇ ਸਕਦਾ ਹੈ।
ਘਰ ਸੰਭਾਲਣ ਵਿੱਚ ਤੁਹਾਡੀ ਮਦਦ ਲਈ ਸਹਿਯੋਗ ਦਾ ਪ੍ਰਬੰਧ ਤੁਹਾਡੀ ਸਥਾਨਕ ਕੌਂਸਲ ਦੇ ਸੋਸ਼ਲ ਵਰਕ ਵਿਭਾਗ (ਕਈ ਵਾਰ ਸੋਸ਼ਲ ਕੇਅਰ ਜਾਂ ਸੋਸ਼ਲ ਸਰਵਿਸਿਜ਼ ਵੀ ਕਿਹਾ ਜਾਂਦਾ ਹੈ) ਦੁਆਰਾ ਕੀਤਾ ਜਾ ਸਕਦਾ ਹੈ। ਵੱਧ ਤੋਂ ਵੱਧ ਆਤਮ-ਨਿਰਭਰ ਰਹਿਣ ਵਿੱਚ ਤੁਹਾਡੀ ਮਦਦ ਕਰਨ ਵਾਲੀਆਂ ਸੇਵਾਵਾਂ ਵਿੱਚ ਇਹ ਸ਼ਾਮਲ ਹਨ:
ਸਟ੍ਰੋਕ ਤੁਹਾਨੂੰ ਕਿਵੇਂ ਪ੍ਰਭਾਵਤ ਕਰ ਸਕਦਾ ਹੈ
ਸਟ੍ਰੋਕ ਤੁਹਾਡੇ ਸਰੀਰ ਦੇ ਕੰਮ ਕਰਨ ਦੇ ਤਰੀਕੇ, ਅਤੇ ਇਸ ਦੇ ਨਾਲ ਹੀ ਤੁਹਾਡੇ ਮਹਿਸੂਸ ਕਰਨ, ਸੋਚਣ ਅਤੇ ਸੰਵਾਦ ਕਰਨ ਦੇ ਤਰੀਕੇ ਨੂੰ ਵੀ ਪ੍ਰਭਾਵਤ ਕਰ ਸਕਦਾ ਹੈ। ਸਟ੍ਰੋਕ ਦੇ ਲੱਛਣ ਹਰ ਕਿਸੇ ਨੂੰ ਵੱਖ-ਵੱਖ ਤਰੀਕਿਆਂ ਨਾਲ ਪ੍ਰਭਾਵਤ ਕਰਦੇ ਹਨ।
ਤੁਹਾਡੇ ਉੱਪਰ ਕਿਹੋ ਜਿਹਾ ਅਸਰ ਪੈਂਦਾ ਹੈ, ਇਹ ਇਸ ਗੱਲ ‘ਤੇ ਨਿਰਭਰ ਕਰੇਗਾ ਕਿ ਤੁਹਾਡੇ ਦਿਮਾਗ ਦੇ ਕਿਹੜੇ ਹਿੱਸੇ ਨੂੰ ਨੁਕਸਾਨ ਪਹੁੰਚਿਆ ਹੈ ਅਤੇ ਤੁਹਾਡਾ ਸਟ੍ਰੋਕ ਕਿੰਨਾ ਕੁ ਗੰਭੀਰ ਹੈ। ਤੁਹਾਡੇ ਦਿਮਾਗ ਦੇ ਖਾਸ ਖੇਤਰ ਤੁਹਾਡੇ ਸਰੀਰ ਦੇ ਖਾਸ ਕੰਮਾਂ ਨੂੰ ਨਿਯੰਤ੍ਰਤ ਕਰਦੇ ਹਨ ਜਿਵੇਂ ਕਿ ਨਜ਼ਰ, ਯਾਦਦਾਸ਼ਤ, ਬੋਲਚਾਲ ਜਾਂ ਸੁਣਨ ਦੀ ਸ਼ਕਤੀ।
ਹਾਲਾਂਕਿ ਸਾਰੇ ਸਟ੍ਰੋਕ ਵੱਖਰੇ ਹੁੰਦੇ ਹਨ, ਪਰ ਸਟ੍ਰੋਕ ਦੇ ਕੁਝ ਆਮ ਪ੍ਰਭਾਵਾਂ ਵਿੱਚ ਇਹ ਸ਼ਾਮਲ ਹਨ:
ਟ੍ਰੌਏ ਭਵਿੱਖ ਪ੍ਰਤੀ ਆਸਵੰਦ ਹੈ
ਟ੍ਰੌਏ ਦੇ ਸਟ੍ਰੋਕ ਤੋਂ ਬਾਅਦ, ਉਸ ਨੂੰ ਸਾਡੇ ਇੱਕ ਵਲੰਟੀਅਰ, ਨੀਲ ਨਾਲ ਸੰਪਰਕ ਕਰਵਾਇਆ ਗਿਆ ਸੀ, ਜਿਸਨੇ ਆਪ ਵੀ ਸਟ੍ਰੋਕ ਨੂੰ ਮਾਤ ਦਿੱਤੀ ਹੈ। ਟ੍ਰੌਏ ਨੂੰ ਲੱਗਦਾ ਹੈ ਕਿ ਅਜਿਹੇ ਹੀ ਅਨੁਭਵ ਵਿੱਚੋਂ ਲੰਘ ਚੁੱਕੇ ਕਿਸੇ ਵਿਅਕਤੀ ਨਾਲ ਗੱਲ ਕਰਨਾ ਉਸ ਦੇ ਸਿਹਤਯਾਬ ਹੋਣ ਵਿੱਚ ਬਹੁਤ ਨਿਰਣਾਇਕ ਸੀ।
ਨੀਲ ਦਾ ਕਹਿਣਾ ਹੈ: “ਟ੍ਰੋਏ ਇੱਕ ਸ਼ਾਨਦਾਰ ਇਨਸਾਨ ਹੈ। ਉਸ ਦੀਆਂ ਚੁਣੌਤੀਆਂ ਇਸ ਲਿਹਾਜ਼ ਨਾਲ ਮੇਰੇ ਵਰਗੀਆਂ ਹੀ ਹਨ ਕਿ ਸਟ੍ਰੋਕ ਦੇ ਪ੍ਰਭਾਵ ਦੂਜੇ ਲੋਕਾਂ ਨੂੰ ਦਿਖਾਈ ਦਿੰਦੇ ਪ੍ਰਤੀਤ ਨਹੀਂ ਹੁੰਦੇ ਕਿਉਂਕਿ ਉਹ ਯਾਦਦਾਸ਼ਤ ਜਾਂ ਸਰੀਰਕ ਸਹਿਣ-ਸ਼ਕਤੀ ਵਰਗੀਆਂ ਚੀਜ਼ਾਂ ਹਨ।
“ਉਮੀਦ ਕਰਦਾ ਹਾਂ ਕਿ ਮੈਂ ਉਸ ਨੂੰ ਇਹ ਸਮਝਣ ਵਿੱਚ ਮਦਦ ਕਰ ਸਕਿਆ ਕਿ ਸਟ੍ਰੋਕ ਤੋਂ ਰਿਕਵਰੀ ਇੱਕ ਲੰਬਾ ਸਫ਼ਰ ਹੈ ਜਿਸ ਦੇ ਰਾਹ ਵਿੱਚ ਕਈ ਰੋੜੇ ਆਉਂਦੇ ਹਨ। ਅਸੀਂ ਸਾਰੇ ਹੀ ਅਸਫ਼ਲਤਾਵਾਂ ਦਾ ਸਾਹਮਣਾ ਕਰਦੇ ਹਾਂ, ਪਰ ਅਹਿਮ ਇਹ ਹੈ ਕਿ ਅਸੀਂ ਉਹਨਾਂ ਨਾਲ ਨਜਿੱਠਦੇ ਕਿਵੇਂ ਹਾਂ।
ਸਟ੍ਰੋਕ ਤੋਂ ਬਾਅਦ ਜੀਵਨ
ਪਹਿਲੇ ਕੁਝ ਹਫ਼ਤਿਆਂ ਅਤੇ ਮਹੀਨਿਆਂ ਲਈ, ਇਹ ਸੰਭਾਵਨਾ ਹੁੰਦੀ ਹੈ ਕਿ ਤੁਹਾਡਾ ਪੂਰਾ ਧਿਆਨ ਪੁਰਾਣੇ ਹੁਨਰਾਂ ਨੂੰ ਦੁਬਾਰਾ ਸਿੱਖਣ ਜਾਂ ਨਵੇਂ ਹੁਨਰ ਸਿੱਖਣ ‘ਤੇ ਹੋਵੇਗਾ। ਸਹਿਜੇ-ਸਹਿਜੇ ਰਫ਼ਤਾਰ ਵਧਾਉਣਾ ਅਤੇ ਲੋੜ ਪੈਣ ‘ਤੇ ਮਦਦ ਮੰਗਣਾ ਬਹੁਤ ਜ਼ਰੂਰੀ ਹੁੰਦਾ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਤੁਸੀਂ ਆਪਣੀ ਜ਼ਿੰਦਗੀ ਨੂੰ ਦੁਬਾਰਾ ਸੰਵਾਰ ਸਕਦੇ ਹੋ ਅਤੇ ਆਪਣੀ ਪਸੰਦ ਦੀਆਂ ਚੀਜ਼ਾਂ ਫਿਰ ਤੋਂ ਕਰ ਸਕਦੇ ਹੋ।
ਰੋਜ਼ਮਰ੍ਹਾ ਦਾ ਜੀਵਨ ਸ਼ਾਇਦ ਥੋੜ੍ਹਾ ਵੱਖਰਾ ਦਿਖਾਈ ਦੇਵੇਗਾ, ਪਰ ਰਿਕਵਰ ਕਰਨ ਅਤੇ ਜੀਵਨ ਦਾ ਭਰਪੂਰ ਅਨੰਦ ਮਾਣਨ ਵਿੱਚ ਤੁਹਾਡੀ ਮਦਦ ਲਈ ਅਸੀਂ ਇੱਥੇ ਮੌਜੂਦ ਹਾਂ।
ਘਰ ਵਿੱਚ ਆਪਣੀ ਸਥਿਤੀ ਨਾਲ ਕਿਵੇਂ ਨਜਿੱਠਣਾ ਹੈ, ਤੰਦਰੁਸਤ ਕਿਵੇਂ ਰਹਿਣਾ ਹੈ ਅਤੇ ਸਟ੍ਰੋਕ ਦੇ ਆਪਣੇ ਖਤਰੇ ਨੂੰ ਕਿਵੇਂ ਘਟਾਉਣਾ ਹੈ, ਇਸ ਸਭ ਬਾਰੇ ਵਧੇਰੇ ਜਾਣਕਾਰੀ ਲਈ ਸਾਡੇ ਸਟ੍ਰੋਕ ਦੀ ਸਮੱਸਿਆ ਨਾਲ ਜੀਵਨ ਜਿਉਣ (Living with a Stroke Condition) ਬਾਰੇ ਸੈਕਸ਼ਨ ‘ਤੇ ਜਾਓ।
This page was last updated on November 29, 2023 and is under regular review. If you feel anything is missing or incorrect, please contact health.information@chss.org.uk to provide feedback.